Hakka 版 (精华区)

发信人: firemon (洛神), 信区: hakka
标  题: 客家山歌
发信站: 哈工大紫丁香 (Thu Jul 15 20:02:16 2004), 转信

客家山歌最出名，
条条山歌有妹名，
条条山歌有妹份，
一条无妹唱唔成。


写封信来薄飞飞，
搭信话俾情妹知。
日里冷锅又冷灶，
夜里单枕又单被！


月光无火酿惯光？
井底无风酿惯凉？
阿妹今年十八年，
身上无花酿惯香？


入山看到藤缠树，
出山看到树缠藤。
树死藤生藤缠树，
藤死树生死也缠！


山歌又好声又尖，
唔唱俾你猴精听。
俾你猴精听阿到，
耳公一法尾一担。

前面老妹系谁人，
日头惯光看唔清。
鸭子也晓寻阵嬲，
酿满老妹打单身？

鸡春鸭春都系春，
簪头手镯都系银。
你肉我肉都系肉，
酿满你肉激死人！


连妹唔使挑又挑，
总爱两人长久交。
落水洗衫来倒竹，
看到中意就落刀！


阿妹担水井边企，
看到阿哥笑咪咪，
我问阿妹笑什么，
她说昨晚做梦看到你。


高山顶高种芙蓉，
唔使淋水叶惯浓。
总爱两人心甘愿，
唔使做媒也会成！


因为俾你激到狂，
入间倒米倒到糠。
石灰话到糯米粉，
棺材话到大树箱。


耕田爱耕门前丘，
割禾唔到秆也有。
连妹爱连上下屋，
沾身吾到笑也有。


敢放白鸽敢响铃，
敢同妹来敢同行。
谁人敢管这条事，
官司打到北京城！


三条两只养身体，
十条八只唔算多。
旧年开只契哥会，
八九张桌唔够坐。


--
同是天涯沦落人，相逢何必曾相识


※ 来源:·哈工大紫丁香 bbs.hit.edu.cn·[FROM: 218.9.97.*]